PONTECESURES
transformando a vila COA PARTICIPACIÓN PROTAGÓNICA
reCOÑECENDO Pontecesures
“Unha boa acupuntura urbana sería a que fixese que todos coñecesen a súa cidade. Cantas persoas, en realidade, coñecen a súa propia cidade? Dificilmente alguén respecta o que non coñece. Pero, como respectar a tu cidade se non a comprendes?. Debuxa a túa cidade. […] Pero, como podes mellorar a túa cidade se nin sequera a coñeces ben? Que fas por ela, se nin sequera es capaz de debuxala? Ese é o quid da cuestión.”
Jaime Lerner
Para entender como perciben a súa vila os que son e serán os seus habitantes, utilizaremos a seguinte estratexia: saímos á “deriva” cun gran marco dourado, para que no noso deambular vaian enmarcando aqueles elementos urbanos que son importantes para eles (experiencia que se basa na obra de O ́Grady). ¿Cales foron os protagonistas desta experiencia de “A Vila do Mañá”?, nesta ocasión ao seu deambular reDESCUBRÍRONSELLES lugares da súa vila, tal vez esquecidos.
Con “A Vila do Mañá”, a vila na que viven non é unha idea abstracta, nin unha serie de pequenas imaxes parciais; comeza a entenderse como un contorno moito máis complexo e amplo, que nos aproxima á noción de hábitat: o espazo que transcende á súa localización física nun territorio no que resolvemos as nosas necesidades, establecendo relacións con outras persoas e co medio, tanto natural como construído; implicando procesos en que se transforma, pero tamén somos transformados.
1.Casa do Concello. Cesar Portela 2. Biblioteca Casa da cultura 3. Praza de Abastos 4. Igrexa de San Xulián do Requeixo 5. Lamprea 6. Corrillo bajo el paraguas. Carlos Maside 7. Fonte de Infesta 8.Fito Xacobeo 9. Mural “I Feira automóvil de Ocasión”. DocToy 10. Cruceiro de San Xulián 11. Casa da Lamprea. MMASA. MUÑIZALFAYA e Carlos Besada 12. Mural “Primeira liña ferroviaria”. DocToy 13. Lavadoiro de “a curuxa” 14. Cheminea de Magán 16. Cerámica Celta 17. Figura de Cerámica Celta 18. Cruceiro de Carreiras 19. Hórreo do Porto 1 20. Iglrexa parroquial de Pontecesures 22. Mirador do pino manso 23.Hórreo do Porto 2 25. Lamprea 26. Hórreo de Condide 27. Coche de Pedra 28. Casa da señora 29.Fonte e lavadoiro de A Serva 30. Mural “Escola da ponte”. Lidia Cao 31. Hórreo de Cornide 32. Estación de Pontecesures 33. Casa con canzorros 34. Autorretrato Carlos Maside 35. Lamprea 37. Fonte e lavadeoiro de Grobas 38. Caricatura persoal de Raimundo García “Borobó” 39. Pazo da Cova 40. Alfolí (Almacén da renta de tabacos) 41. Cruceiro de Porto 42. Lamprea 43. Casa dos azulexos 44. Ponte sobre o río Ulla.
Colorea a túa vila
A vila ou cidade na que estamos traballando convertida nun taboleiro de xogos, laboratorio de experimentación no que as nenas, nenos e adolescentes poidan actuar dende un novo punto de vista.
